Radio Nónnevot app for iPhone and iPad

Live radio, alle podcasts, t lètste nuuts oet vastelaovend vierend Zitterd, dé meis kómplete kalender mit alle evenemènte oet Zitterd en natuurlik kènste sjtömme op de TOP111. En dat alleney in dien vottetèsj oppe tillefoon.

Wilkóm bie de vernuujde app van Radio Nónnevot! Mit deze app kènste gratis en ónbeperk loestere nao de sjoonste vastelaovesnómmesj oet t Marotteriek en t bèste van Limburg. Mer t is ouch muigelik óm alle nuuje en auwe podcasts truk te loestere. Daonaeve bèste ummer oppe heugde van t lètste nuuts en kènste in de meis oetgebreide kalender zeen wo en wienee de sjoonste feeskes gevierd waere.

== 24/7 RADIO NÓNNEVOT ==
Loester 24/7 nao alle vastelaovesnómmesj oet Zitterd en t allerbèste oet Limburg. Vanaaf noe in ein baeter kwaliteit en mit t lètste nuuts van L1 Radio. Stream de radio gemekkelik via AirPlay nao de speakers in dien hoeskamer of loester in de waage nao Radio Nónnevot!

== NUUTS ==
Wilste es eesjte oppe heugde zeen van waat in Zitterd los is? Radio Nónnevot bringk dich in saamewirking mit Sittard-Geleen Nieuws t lètste nuuts róndjóm de vastelaovend. Direk te laeze vanoet de app en alles op ein plaatsj.

== PODCASTS ==
Ozze raozende reporter Sam Verbeek geit dit jaor weier op zuik nao sjoon items veur de podcast. Én DJacky zal dich weier ammezeiere mit nuuje vastelaovesmixe in de sjtevige Mega Maffe Vastelaovesmix. Höbste eine gemis of wilste de podcast nog èns loestere? Ouch dees vinsjte in deze app truk.

== KALENDER ==
Wo is dat feeske?! Dat is vanaaf noe gein vraog mee... De meis kómplete vastelaoveskalender vinsjte in de Radio Nónnevot app! Alle evenemènte van Optoch pès Galabal en van Vrouwluujzitting pès Kanón van t Balkón. Doe vinsj ‘t alleney truk in de kalender van de Radio Nónnevot app.

== HITTEPETIT ==
Hilste van Nónnevotte en sjpelkes? Dan maagste de Radio Nónnevot Hittepetit neit misse! Jeder waek kènste in de Hittepetit ein richtig vastelaovespakket wènne mit heerlikke Nónnevotte van ozze hoesbekker Martens.

== TOP111 ==
Brèng dien sjtöm oet oppe sjoonste lies van t jaor de TOP111. Sjtömme geit via de Radio Nónnevot app. Alle meziek sjteit euverzichtelik in ein lies en kènt gemekkelik doorzóch waere. Gaef dien sjtöm door middel van ein hertje aan dien 11 favoriete nómmesj. Oppe zaoterdig veur de kènjeroptoch maak veer de lies op Radio Nónnevot bekènd!

== CONTACT MIT DE STUDIO ==
Wilste ós get vertèlle, eemes de groete doon of miste get in de app? Laot t ós weite! Via de app krigste direk kóntak mit de studio van Radio Nónnevot.